Video Geguritan

CARITA SUKA DUHKA SU

Tanpa daya

Tan bisa apa-apa

Ginawa luka saka adilaga

Kang dumadi

-Gusti, yen nepsu angkara kena sinirep dening sukarsa, kena apa isih ana adilaga?

numplek'ake gethih lan tangis manungsa?-

Tangis su ndredes

waspane tumetes

Nukulake reroncening padma

ing rawa paluh teles

Sore lingsir lastri

Lebur dadi sepi

Tan ana kerik jangkrik

Uga warayang wewisik

Padma njelma swara:

“suka duhka manungsa wus dadi lampahan kang mesti dilakoni!

Tan gora!”

Mbegegeg sigeg su

Nanging durung rampung adilaga

Tugas durung tuntas

“balia su menyang palagan!

gethih kang tumplek saka adilaga tan bisa ngregedi ati kang murni”

Mangkono

Mega mega gya sumingkir

Sumingkira uga sagala udrasa

Padma terus tukul saka njroning paluh

tansah rerentengan rame pada ura-ura:

”la la la suka duhka manungsa la la la lakonono!”